පසුගිය අගෝස්තු 3 වන දින උදෑසන 3.00ට පමණ නන්නාදුනන පිරිසක් විසින් සමාජ හා භාශා විද්‍යා පීඨයේ ප‍්‍රථම වසර සන්දිර කුමාර් සුදර්ශන් සිසුවාට පහර දී දමිල සිසුන්ට තරජනය කර දැන්වීම් අලවා ගොස් තිබුනි. ඉන් පසු අගෝස්තු 5 වන දින විභාගය ලියමින් සිටි සමාජ හා භාශා විද්‍යා පීඨයේ 3 වන වසර යෝගරාජා නිරෝශන් සිසුවා ත‍්‍රස්ත විමර්ශන ඒකකයෙන් රැුගෙන යන ලදී.
අගෝස්තු 6 වන දින මෙම සිද්ධින් වලට එරෙහිව සබරගමුව සරසවිය සුරැුකීමේ ශිෂ්‍ය ව්‍යාපාරය මඟින් මාධ්‍ය හමුවක් කැදවා තිබූ අතර එම මාධ්‍ය හමුවේදී අදහස් දැක් වූ ශිෂ්‍ය නායකයින්ට හා නිවෙස් වලට ත‍්‍රස්ත විමර්ශන ඒකකයෙන් යැයි පවසා තර්ජනය කර තිබේ.
ඉන් පසු අගෝස්තු 9 වන දින යෝගරාජා සිසුවා නිදහස් කල අතර පහර කෑමට ලක්ව රෝහල් ගතව සිටි සන්දිර කුමාර් නිරෝශන් සිසුවා ත‍්‍රස්ත විමර්ශන ඒකකය මඟින් රැුගෙන ගොස් රඳවා තබාගෙන තිබේ. අදට ඔහු රදවා තබාගෙන දින 23ක් ගත වී ඇත.
මෙම සිද්දීන් මෙලෙස තිබියදී අද දිනද ශිෂ්‍යයින් 6 දෙනෙක් ත‍්‍රස්ත විමර්ශන ඒකකය මඟින් රැුගෙන යාම මඟින් තහවුරු කරන්නේ මෙම සිදුවීම් පිටුපස ඇති ආණ්ඩුවේ දේශපාලන න්‍යාය පත‍්‍රය වේ.කනගාටුවෙන් වුවද පැවැසීමට ඇත්තේ ආණ්ඩුවේ දේශපාලන වුවමනාවන් වෙනුවෙන් සිසු ජීවිත බිලි දිමට අධ්‍යන උප ශාලාධිපතිවරයා වන ඉන්දික ගුණරත්න වැනි ආචාර්‍යවරු සෘජුව සම්බන්ද වීමයි.
අපට අවධාරණය කිරීමට තිබෙන්නේ ආණ්ඩුව දිගින් දිගටම ප‍්‍රශ්න විසදනවා වෙනුවට විශ්වවිද්‍යාල තුල ජාතිවාදය වපුරා සිසුන්ට ත‍්‍රස්තවාදී ලේබලය අමුණා ශිෂ්‍ය මර්දනය කිරීමට ගන්නා මිලේච්ච උත්සහය පිලිකුලෙන් යුතුව හෙලා දකින අතර රදවාගෙන තිබෙන සන්දිර කුමාර් නිරෝශන් වහා නිදහස් කරන ලෙසය.
