කැළණිය විශ්වවිද්‍යාලයේ සිසුවියන් 3 දෙනෙක් සහ සිසුන් 5 දෙනෙකු අසාධාරණ ලෙස සිරගත කර මේ වනවිට දින 48 ක් වේ. එම සිසුන් නිදහස් කරන ලෙසත් ශිෂ්‍ය මර්දනය නවතන ලෙසත් බලකරමින් කැලණිය විශ්වවිද්‍යාලයීය මහා ශිෂ්‍ය සංගමය සංවිධානයකල විරෝධතා පාගමනට පසුගිය 15වනදා පොලිසිය කඳුළු ගෑස් හා ජල ප්‍රහාර එල්ලකළ අතර සිසුවියක් හා සිසුන් දෙදෙනෙකු අත්අඩංගුවට ගනු ලැබීය.මෙම පාගමන වැලැක්වීම සඳහා පිටකොටුව පොලිසිය මගින් අධිකරණ නියෝගයක් ලබාගෙන තිබු අතර එහිදී සිසුවියක් හා සිසුන් දෙදෙනෙකු අත්අඩගුවට ගෙන එක දිනක් සිරගත කර තැබිණ.
එහිදී අධිකරණයට කරුණු දැක්වූ පොලීසිය අනෙකුත් සිසු ක්‍රියාකාරිකයින් අත්අඩංගුවට ගැනීමට අවසර ඉල්ලා ඇති අතර ඒ අනුව සිසු නායකයින් අත්අඩංගුවට ගැනීම සඳහා නියෝග නිකුත් කර ඇත.ඒ අනුව මේ වන විටත් සිසු ක්‍රියාකාරිකයින් කිහිප දෙනෙකුගේ නිවෙස්වලට පොලිසිය පැමිණ ඔවුන් අත්අඩංගුවට ගැනීමට අවැසි බව දෙමවුපියන්ට පවසා ඇත.ඒ අනුව ඉදිරියේදී අන්තර් විශ්වවිද්‍යාලයීය ශිෂ්‍ය බලමණ්ඩලයේ ක්‍රියාකාරිකයින් අත්අඩංගුවට ගෙන සිරගත කිරීමේ අවධානමක් මේවන විටත් පවතී.
